توحش رأس مالى

: توحش رأس مالى: 

تشتغل وتحس انك كما الثور مربوط فى الساقية .. 

تلف وعنيك متغميين..
ترتاح تتعب..تنضرب توعى بحقك المهضوم ..
لكن ما العمل ..
والذل هو التمن لكام رغيف!
صاحب العمل يا ولداه متمرمغ فى النعيم ..
لكن تقول ايه لما العين تُفجر ..
والضمير يعمي
والنفس تطمع وتتوحش ..

تزيد غنى من كتاف الفقرانين
تاكل عرقهم وتعبهم
تنسى انهم بشر..
ليه ما هم اصلاً شوية بقر..
بيلفوا فى الطواحين..
ساكتين ومطاطين 
ولعنيهم مغميين 
ولاصواتهم كاتمين
ان فكر حد يزوم فيهم
الكرباج قدره ونصيبة
وإن عِلى الزوام والصياح 
لجأت للحرق....اصله اليوم مُباح ‎                                   
                                         ------------------------
عجلة انتاج وان وقفت مين يشغلها..
البلد حالها يقف واشغالنا ..
بيني وبينك تولع البلد بعمالها
المهم انا لا احس فيها بفقر ولا بقهر ولا بظلم...
                                        -------------------------
ربنا خلقنا طبقات وانا راجل تقى ..
بنفذ قول الاله من غير ما ألتوى ..
بزيد انا غنى واسيب الناس تفتقر
ما هو لو كلنا بيقينا كلنا اغنيا هدفع لمين انا الزكاة!! ‎                                        
                                         ‎------------------------